నిరుద్యోగులు అలర్ట్.. ESICలో భారీగా ఉద్యోగాలు, తెలుగు రాష్ట్రాల్లో ఖాళీలు, దరఖాస్తుకు కొన్ని రోజులే గడువు

నిరుద్యోగులకు గుడ్ న్యూస్. కేంద్ర ప్రభుత్వ కార్మిక, ఉపాధి మంత్రిత్వ శాఖకు చెందిన ఎంప్లాయిస్ స్టేట్‌ ఇన్స్యూరెన్స్‌ కార్పొరేషన్‌ (ESIC) దేశంలో వివిధ రీజియన్లలో ఉన్న పలు పోస్టుల భర్తీకి నోటిఫికేషన్ విడుదలైంది.

నోటిఫికేషన్ ముఖ్య సమాచారం:

*దేశంలో ఉన్న మొత్తం ఉద్యోగ ఖాళీల సంఖ్య: 3820

*తెలంగాణ రీజియన్ లో ఉద్యోగ ఖాళీల సంఖ్య: 72

*ఆంధ్రప్రదేశ్ రీజియన్ లో ఉద్యోగ ఖాళీల సంఖ్య: 35

*దరఖాస్తుకు చివరి తేది: 2022 ఫిబ్రవరి 15

*ఇందులో పలు రకాల ఉద్యోగాలు ఖాళీగా ఉన్నాయి.

*విద్యార్హతకు సంబంధించి ఎంటీఎస్‌ పోస్టులకు పదో తరగతి, స్టెనోగ్రాఫర్‌ పోస్టులకి ఇంటర్మీడియట్‌, అప్పర్‌ డివిజన్‌ క్లర్క్‌ పోస్టులకి ఏదైనా డిగ్రీ పాసై ఉండాలి.

*వయోపరిమితికి సంబంధించి UDC, స్టెనో గ్రాఫర్ పోస్టులకి 18 నుంచి 27 ఏళ్లు, ఎంటీఎస్‌ పోస్టులకి 18 నుంచి 25 ఏళ్ల మధ్య ఉండాలి.

*ఉద్యోగ ఎంపిక కోసం రాత పరీక్ష (ప్రిలిమినరీ, మెయిన్‌ ఎగ్జామ్‌), స్కిల్‌ టెస్ట్‌ నిర్వహిస్తారు.

* యూడీసీ, స్టెనోగ్రాఫర్ పోస్టులకి పే లెవల్‌-4 ప్రకారం రూ.25,500 నుంచి రూ.81,100, ఎంటీఎస్‌ పోస్టులకి రూ. 18,800 నుంచి రూ.56,900 వరకు వేతనం చెల్లిస్తారు.

*దరఖాస్తు ఫీజు: రూ.500. ఎస్సీ, ఎస్టీ, పీడబ్ల్యూడీ అభ్యర్థులకు రూ.250 చెల్లించాలి.

*నోటిఫికేషన్ పూర్తి సమాచారం, దరఖాస్తు ప్రక్రియకు https://www.esic.nic.in/ వెబ్ సైట్ ను చూడొచ్చు.