Jio Star: డిస్నీ+హాట్‌ స్టార్, జియో సినిమా కొత్త డొమైన్ నవంబర్ 14న ప్రారంభం..!
దిశ, వెబ్‌డెస్క్: ప్రముఖ వ్యాపారవేత్త ముకేశ్ అంబానీ(Mukesh Ambani)కి చెందిన రిలయన్స్‌ ఇండస్ట్రీస్(Reliance Industries) అనుబంధ సంస్థ వయాకామ్ 18(Viacom 18), ది వాల్ట్‌ డిస్నీ(The Walt Disney) కంపెనీకి చెందిన స్టార్ ఇండియా ప్రైవేట్‌ లిమిటెడ్‌(Star India Private Limited) విలీన ప్రక్రియ ఈ వారంలోనే పూర్తయ్యే అవకాశమున్నట్లు తెలుస్తోంది. ఈ విలీన ఒప్పందం విలువ దాదాపు రూ. 70,000 కోట్లుగా ఉంటుందని సమాచారం. వయాకామ్ 18, డిస్నీ+హాట్‌స్టార్‌ విలీనం పూర్తయితే దేశంలోనే అతి పెద్ద మీడియా కంపెనీగా అవతరించనుంది. విలీనం తర్వాత రెండు కంపెనీల సర్వీసులను కలిపి ఒకే స్ట్రీమింగ్ ప్లాట్ ఫామ్(streaming platform)గా ఏర్పాటు చేయనున్నారు. ఈ మేరకు "జియో స్టార్(Jio Star)" అనే పేరుతో ఓ కొత్త వెబ్‌సైట్ తెరపైకి వచ్చింది. ఆ వెబ్‌సైట్ లో 'కమింగ్ సూన్(Coming Soon)' అనే సందేశం కనిపిస్తోంది. నవంబర్ 14 నుంచి ఈ డొమైన్ యూజర్లకు అందుబాటులోకి రానున్నట్లు తెలుస్తోంది. కాగా ఈ రెండు సంస్థల విలీనం తర్వాత ఐపీఎల్ లాంటి లైవ్ మ్యాచ్‌ ప్రసారాలు హాట్‌స్టార్‌లోనే వీక్షించాల్సి ఉంటుందని సమాచారం.
