Forex reserves: 3.47 బిలియన్ డాలర్లు తగ్గిన ఫారెక్స్ నిల్వలు
దిశ, బిజినెస్ బ్యూరో: భారత విదేశీ మారక నిల్వలు జులై 26తో ముగిసిన వారానికి 3.471 బిలియన్ డాలర్లు తగ్గి 667.386 బిలియన్ డాలర్లకు చేరుకున్నాయని రిజర్వ్ బ్యాంక్ ఆఫ్ ఇండియా శుక్రవారం విడుదల చేసిన డేటాలో వెల్లడైంది. గత రిపోర్టింగ్ వారంలో(జులై 19తో ముగిసిన) నిల్వలు 4.003 బిలియన్ డాలర్లు పెరిగి ఆల్ టైమ్ గరిష్ట స్థాయి 670.857 బిలియన్ డాలర్లకు చేరుకున్నాయి. జులై 26తో ముగిసిన వారానికి, విదేశీ మారక నిల్వల్లో ప్రధాన భాగమైన కరెన్సీ ఆస్తుల విలువ $1.171 బిలియన్లు తగ్గి $586.877 బిలియన్లకు చేరుకున్నాయని ఆర్‌బీఐ డేటా చూపించింది.
అలాగే సమీక్ష వారంలో బంగారం నిల్వలు 2.297 బిలియన్ డాలర్లు తగ్గి 57.695 బిలియన్ డాలర్లకు చేరుకున్నాయని గణాంకాలు వెల్లడించాయి. ప్రత్యేక డ్రాయింగ్ హక్కులు $5 మిలియన్లు తగ్గి $18.202 బిలియన్లకు చేరాయి. రిపోర్టింగ్ వారంలో ఐఎం‌ఎఫ్‌లో భారతదేశ రిజర్వ్ స్థానం $2 మిలియన్లు పెరిగి $4.612 బిలియన్లకు చేరుకుంది.
