మరిన్ని నగరాలకు ఈ-రూపీ విస్తరణ!
ముంబై: డిజిటల్ కరెన్సీకి సంబంధించి ప్రతిష్టాత్మకంగా విడుదల చేసిన ఈ- రూపీ వినియోగాన్ని మరింత విస్తరించనున్నట్టు ఆర్బీఐ వెల్లడించింది. బుధవారం ఎంపీసీ సమావేశం అనంతరం ఆర్బీఐ డిప్యూటీ గవర్నర్ టి రవిశంకర్ మాట్లాడుతూ.. సెంట్రల్ బ్యాంక్ డిజిటల్ కరెన్సీగా వచ్చిన ఈ-రూపీ రిటైల్ వినియోగాన్ని మరో ఐదు బ్యాంకులు, 9 నగరాలలో అందుబాటులోకి తీసుకురానున్నట్లు చెప్పారు.
ఇప్పటివరకు దేశవ్యాప్తంగా ఈ-రూపీ సేవలను 50 వేల మంది ప్రజలతో పాటు, ఐదు వేల మంది వ్యాపారులు వాడుతున్నారు. గతేడాది నవంబర్ 1 నుంచి హోల్ సెల్ అవసరాలకు, డిసెంబర్ 1 నుంచి రిటైల్ అవసరాలకు ఆర్బీఐ డిజిటల్ కరెన్సీని ప్రారంభించిన సంగతి తెలిసిందే. మొదటి దశలో ఐదు నగరాలు, 8 నగరాల్లో అందుబాటులోకి వచ్చాయి.
ఈ-రూపీ వాడకానికి సంబంధించి ఆర్బీఐ హడావుడిగా కాకుండా సమస్యలు ఉత్పన్నమవకుండా నెమ్మదిగా వెళ్లాలని భావిస్తోందని రవిశంకర్ తెలిపారు. కాగా, మొదటి దశలో ఈ-రూపీ వినియోగాన్ని ఎస్‌బీఐ, యెస్ బ్యాంకు, ఐడీఎఫ్‌సీ బ్యాంకు, ఐసీఐసీఐ బ్యాంక్, అనంతరం హెచ్‌డీఎఫ్‌సీ బ్యాంకు, కోటక్ బ్యాంక్, బ్యాంక్ ఆఫ్ బరోడా, యూనియన్ బ్యాంకులు భాగస్వామ్యం అయ్యాయి.
Also Read..
