జగన్‌, కేసీఆర్‌పై బీజేపీ నేత సుబ్రహ్మణ్యస్వామి ట్వీట్

దిశ, ఏపీ బ్యూరో: ఆంధ్రప్రదేశ్, తెలంగాణ సీఎంలు జగన్, కేసీఆర్ లక్ష్యంగా బీజేపీ సీనియర్ నేత సుబ్రహ్మణ్య స్వామి ట్విట్టర్ వేదికగా సంచలన వ్యాఖ్యలు చేశారు. బీజేపీ ఏపీ శాఖ టీటీడీ భూములను పరిరక్షించాలని కోరుతూ ధర్మరక్షణ దీక్ష చేస్తున్న సంగతి తెలిసిందే. ఈ నేపథ్యంలో ఏపీ సీఎం వైఎస్ జగన్‌ను లక్ష్యంగా చేసుకుని, టీటీడీ భూముల వేలంపై ఒక క్రైస్తవ ముఖ్యమంత్రి సమాధానం చెప్పాలంటూ హిందువులు డిమాండ్ చేస్తున్నారని అన్నారు. అలాగే తెలంగాణ సీఎం కేసీఆర్‌ని లక్ష్యంగా చేసుకుని..ఒక హిందూ సీఎం మాత్రం రాష్ట్రంలోని ఆలయాలన్నిటినీ తన అధీనంలోకి తీసుకుని, తనను తాను చైర్మన్‌గా ప్రకటించుకున్నారు కదా? అంటే మన హిందుత్వ నియంత్రణ కోల్పోయి, వేరే దారిలో వెళ్తోందా? అని ప్రశ్నించారు.