శివాజీ అండతో నామినేషన్స్‌లో రెచ్చిపోయిన రతిక.. ఆ ఇద్దరు కంటెస్టెంట్లపై ఫైర్.. ప్రోమో
దిశ, వెబ్‌డెస్క్: బిగ్‌బాస్ పదకొండో వారంకు చేరుకుంది. ఈ రోజు సోమవారం కావడంతో నామినేషన్స్ ప్రక్రియ చాలా రసవత్తరంగా మారిపోయింది. దీనికి సంబంధించిన ప్రోమో వీడియో సోషల్ మీడియాలో వైరల్‌గా మారింది. ఇందులో ముందుగా రతిక, శివాజీ నామినేషన్స్ గురించి సీరియస్‌గా చర్చించుకుంటారు. ఈ ప్రోమో లో ఏముందంటే.. ‘‘నువ్వేమనుకుంటావో నాకు తెలియదు.. నామినేషన్స్ లో నీ టాలెంట్ చూపించు. ఆలోచించుకొని అవతలి వాడు నిన్ను డిఫెండ్ చేసేటప్పుడు నిన్ను ప్రశ్నించే పరిస్థితి రాకుండా చూసుకో.. అక్కడి నుంచి మొదలుపెడితే గేమ్ ఎండ్ వరకు ఆపకు’’ అని చెప్పాడు. ఆ తర్వాత అందరూ నిల్చొని ఉండగా బిగ్‌బాస్ నామినేషన్స్‌ను స్టార్ట్ చేయమంటాడు.
నామినేషన్స్ వేసే వారు నామినేట్ చేసి అందుకు కారణాలు చెప్పి బాటిల్ ను తలపై పగలగొట్టాలని చెప్పాడు. దీంతో ముందుగా రతిక, శోభా శెట్టిని, ప్రియాంకను టార్గెట్ చేసింది. శోభా శెట్టిని నామినేట్ చేస్తూ కెప్టెన్ అయిన తర్వాత హా నువ్వు ఎంతవరకు నీ 100 పర్సెంట్ ఇచ్చావ్ అని అడిగింది రతిక.. దానికి శోభా నేను 200 పర్సెంట్ ఇచ్చా అని చెప్పింది. ఆ తర్వాత నువ్వు ఏం చేశావో చెప్పు అని రతిక అడగటంతో శోభా ఏదో చెప్పేలోగానే నోరు పెంచి అరిచి గోల చేసింది. కెప్టెన్ అంటే బ్యాడ్జ్ పెట్టుకోవడం కాదు అంటూ రచ్చ చేసింది. అలాగే ప్రియాంకను నామినేట్ చేసి ఏదో అడిగాక ఆమె ఏదో చెప్తుండగా.. ప్రియాంక ఆన్సర్ టు మై పాయింట్ అంటూ బిగ్‌బాస్ దద్దరిల్లేలా రెచ్చిపోయి అరిచింది. ఆ తర్వాత అర్జున్ తన విశ్వరూపాన్ని చూపించడం చూశాం.
