ఫ్లాష్ ఫ్లాష్ : ఏపీలో పాఠశాలల ఓపెనింగ్ అప్పుడే..

దిశ, ఏపీబ్యూరో : రాష్ట్రంలో ఆగష్టు 16న పాఠశాలలు తెరుస్తామని ఏపీ ప్రభుత్వం హైకోర్టుకు తెలిపింది. ప్రభుత్వ టీచర్లకు వ్యాక్సిన్ వేసిన తర్వాతే పాఠశాలలు తెరవాలని దాఖలైన పిటిషన్ పై హైకోర్టులో శుక్రవారం విచారణ జరిగింది. ఈ సందర్భంగా ఆగస్టు 16 నుంచి పాఠశాలలు తెరుస్తామని ప్రభుత్వం స్పష్టం చేసింది.

ఇప్పటికే ప్రభుత్వ టీచర్లలో 60% మందికి వ్యాక్సిన్ వేశామని కోర్టుకు వివరించింది. మిగతా వారికి కూడా వ్యాక్సిన్ వేసేలా చర్యలు చేపట్టినట్లు వివరించింది. దీనిపై కౌంటర్ దాఖలు చేయాలని ప్రభుత్వానికి ధర్మాసనం ఆదేశాలు జారీ చేసింది. తదుపరి విచారణను ఆగస్టు 11కు కోర్టు వాయిదా వేసింది.