అమానుషం: ఆటోడ్రైవర్ కుటుంబంపై ఇనుప రాడ్లతో దాడి.. ఎందుకో తెలుసా..?
దిశ, చార్మినార్ : స్వల్ప విషయమై ఇద్దరు బాలుర మధ్య తలెత్తిన వివాదం కాస్త చిలికి చిలికి గాలివానలా మారింది. తన కుమారుడిని ఎందుకు బెదిరిస్తున్నావ్అని అడిగిన పాపానికి ఆటోడ్రైవర్కుటుంబంపై ఇనుపరాడ్లు, ఇటుకలతో దాడికి పాల్పడిన ఘటన పాతబస్తీ చాంద్రాయణగుట్ట పోలీస్ స్టేషన్ పరిధిలో చోటు చేసుకుంది. వివరాలలోకి వెళితే .. పాతబస్తీ చాంద్రాయణగుట్ట జహంగీరాబాద్కు చెందిన జహంగీర్వృత్తి రీత్యా ఆటోడ్రైవర్. జహంగీర్కుమారుడు ఇంటి పక్కన కూర్చొని ఉండగా స్థానికంగా ఉండే మరో కుర్రాడు వచ్చి ఇక్కడ ఎందుకు కూర్చున్నావ్ అని బెదిరించడంతో ఇద్దరి మధ్య వివాదం తలెత్తింది.
అప్పటి వరకు బాలుర మధ్య జరిగిన వివాదం కాస్త ఇరు కుటుంబాల పెద్దల చుట్టూ తిరిగింది. నా కొడుకును ఎందుకు బెదిరిస్తున్నావ్అని అడిగిన పాపానికి ముఖరం, ముజాయిద్, జుబేర్, ముజాఫర్, సోహైల్అనే వ్యక్తులు ఇనుపరాడ్లు, ఇటుకలతో ఆటోడ్రైవర్కుటుంబంపై దాడి చేసి తీవ్రంగా గాయపరిచారు. ఈ ఘటనలో జహంగీర్కు తీవ్ర గాయాలయ్యాయి. బాధితుడు ఇచ్చిన ఫిర్యాదు మేరకు చాంద్రాయణగుట్ట పోలీసులు కేసును నమోదు చేసుకుని దర్యాప్తు చేస్తున్నారు.
