సంచయితపై అశోక్ గజపతిరాజు సంచలన వ్యాఖ్యలు

దిశ, వెబ్‎డెస్క్: మాన్సాస్ ట్రస్ట్ చైర్ పర్సన్ సంచయితపై కేంద్ర మాజీ మంత్రి అశోక్ గజపతి రాజు సంచలన వ్యాఖ్యలు చేశారు. చరిత్రలో తండ్రులు మార్చేవారు ఎవరైనా ఉన్నారా అంటూ ఘాటుగా స్పందించారు. ‘సోషల్ మీడియాలో మీ తండ్రి ఎవరో మీరే పోస్టు చేశారు.. మీరు చేస్తున్న పోస్టులే మీ వ్యక్తిత్వాన్ని చెబుతాయన్నారు. ఎవరో పెట్టిన పోస్టులకు నేను సమాధానం చెప్పడం నా ఖర్మ అంటూ అశోక్ గజపతి రాజు వ్యాఖ్యానించారు. తండ్రి, తాతను సంచయిత ఒక్కసారైనా కలవలేదన్నారు.

చట్ట విరుద్ధంగా నన్ను తొలగించారని అశోక్ గజపతి రాజు తెలిపారు. చైర్మన్ పోస్ట్ అపాయింటింగ్ పోస్ట్ కాదు.. ఆనవాయితీగా వచ్చే పోస్ట్ అన్నారు. సంచయిత 105 ఆలయాల్లో ఒక్క పండుగకు కూడా హాజరుకాలేదని విమర్శించారు. ట్రస్టు నియామకాల్లో ప్రభుత్వ నియంతృత్వ ధోరణితో వ్యవహరించిందని మండిపడ్డారు.