Kadapa: ముగ్గురు స్మగ్లర్ల అరెస్టు

దిశ, కడప: ఖాజీపేట మండలంలో ముగ్గరు స్మగ్లర్లను అరెస్టు చేశారు. 9 ఎర్రచందనం దుంగలను పోలీసులను స్వాధీనం చేసుకున్నారు. నాగపట్నం రోడ్డు, పత్తూరు సమాధుల వద్ద రెండు కార్లు అనుమానాస్పదంగా కనిపించాయి. దాంతో పోలీసులు అక్కడకు వెళ్లడంతో స్మగ్లర్లు పారిపోయే ప్రయత్నం చేశారు. అయితే ముగ్గురు వ్యక్తులను చాకచక్యంగా పోలీసులు పట్టుకోగలిగారు. నిందితులు తమిళనాడు తిరుపత్తూరు జిల్లాకు చెందిన సుందరవేల్ కుప్పన్ (30), పార్తీబన్ మురుగన్ (30), కృష్ణగిరి జిల్లా రమేశ్ మునియప్ప (43)గా గుర్తించారు. వీరిని అరెస్ట్ చేయడంతో పాటు రెండు కార్లను స్వాధీనం చేసుకున్నారు. నిందితులపై కేసు నమోదు చేశారు. పారిపోయిన ముద్దాయిల కోసం గాలింపు చర్యలు చేపట్టారు.