Breaking: పెన్నానది వరద ఉధృతిలో ఆరుగురు యువకులు.. రక్షించండంటూ ఆర్తనాదాలు

దిశ, వెబ్ డెస్క్: కడప జిల్లా చెన్నూరు దగ్గర పెన్నానది ఉధృతంగా ప్రవహిస్తోంది. దీంతో ఆరుగురు యువకులు వరద ఉధృతిలో చిక్కుకున్నారు. సాయం కోసం ఎదురు చూస్తున్నారు. తమను రక్షించాలంటూ ఆర్తనాదాలు చేస్తున్నారు. విషయం తెలుసుకున్న ఎన్డీఆర్ఎఫ్, స్థానిక పోలీసులు ఘటన స్థలంలో సహాయం చర్యలు చేపట్టారు. యువకులను బయటకు తీసుకొచ్చేందుకు ప్రయత్నాలు చేస్తున్నారు.

కాగా కడప జిల్లాలో కురిసిన వర్షం అతలాకుతలం చేసింది. శనివారం నుంచి ఆదివారం ఉదయం వరకూ వర్షం దంచి కొట్టింది. దీంతో కడప నగరంతో పాటు జిల్లాలోని పలు ప్రాంతాలు తడిసి ముద్దయ్యాయి. రోడ్లపై మోకాళ్ల లోతు వర్షపు నీరు చేరింది. మురుగు కాలువలు పొంగిపొర్లాయి. అలాగే ఎగువ ప్రాంతాల్లో కురుస్తున్న వర్సాల కారణంగా జిల్లాలో ఉన్న వాగులు, వంకలు, నదులు ఉధృతంగా ప్రవహిస్తున్నాయి.