టీడీపీ ఎంపీతో వైసీపీ కీలక నేత భేటీ.. కృష్ణా జిల్లా రాజకీయాల్లో ఆసక్తికర పరిణామం
దిశ, డైనమిక్ బ్యూరో: కృష్ణా జిల్లా రాజకీయాలు రంజుగా మారుతున్నాయి. ఏ క్షణాన ఏం జరుగుతుందోనన్న టెన్షన్ రాజకీయ పార్టీల్లో నెలకొంది. మైలవరం ఎమ్మెల్యే కృష్ణప్రసాద్ తండ్రి వసంత నాగేశ్వరరావు టీడీపీ ఎంపీ కేశినేని నాని తో భేటీ కావడం సంచలనంగా మారింది. ఇప్పటికే వైసీపీ అధిష్టానం పై తీవ్ర వ్యాఖ్యలు చేసిన వసంత నాగేశ్వరరావు తాజాగా టీడీపీ ఎంపీ కేశినేని నాని తో భేటీ కావడం రాజకీయ వర్గాల్లో సంచలనంగా మారింది. ఇకపోతే ఉమ్మడి రాష్ట్రంలో హోం మంత్రిగా పనిచేసిన వసంత నాగేశ్వరరావుకు కేశినేని నాని కుటుంబంతో మంచి సత్సంబంధాలు ఉన్నాయి. అందులో భాగంగానే వసంత నాగేశ్వరరావు ఎంపీ కేశినేని నాని తో భేటీ అయ్యారని తెలుస్తోంది.
వీరిద్దరూ సామాజిక, రాజకీయ అంశాలపై చర్చలు జరిపినట్లు తెలుస్తోంది. అలాగే పార్లమెంట్ పరిధిలో చేపట్టిన అభివృద్ధి పనులపై నా చర్చించినట్లు సమాచారం. ఈ సందర్భంగా ఎంపీ కేశినేని నాని పై మాజీ హోంశాఖ మంత్రి వసంత నాగేశ్వరరావు ప్రశంసలు కురిపించారు. కేశినేని నాని తాత వెంకయ్యతో తనకు ఎంతో అనుబంధం ఉందని అప్పటి నుంచి ఇరు కుటుంబాల మధ్య మంచి సంబంధాలు ఉన్నట్లు చెప్పుకొచ్చారు. ప్రస్తుత రాజకీయాల్లో నిబద్ధత, నిజాయితీ కలిగిన నాయకుడు కేశినేని నాని అని చెప్పుకొచ్చారు. ఇకపోతే హెల్త్ యూనివర్సిటీకి ఎన్టీఆర్ పేరు మార్పుపై వసంత నాగేశ్వరరావు తీవ్ర వ్యాఖ్యలు చేశారు. వైసీపీ నిర్ణయాన్ని తీవ్రంగా తప్పుబట్టిన సంగతి తెలిసిందే. ఆ ఘటన మరువకముందే మరోసారి టీడీపీ ఎంపీ కేశినేని నానితో వసంత నాగేశ్వరరావు భేటీ కావడం రాజకీయంగా ప్రాధాన్యత సంతరించుకుంది.
Read more:
రౌడీలను వెంటేసుకుని తిరగడం చేతగాక సైలెంట్‌గా ఉన్నా:YCP MLA Vasantha Krishnaprasad
