నెల్లూరు జిల్లాపై టీడీపీ ఫోకస్ ... క్లీన్ స్వీప్ చేసేలా బిగ్ స్కెచ్

దిశ, వెబ్ డెస్క్: నెల్లూరు జిల్లాపై టీడీపీ ఫోకస్ పెట్టింది. పొత్తుల్లో భాగంగా అసంతృప్తులపై దృష్టి పెట్టింది. ఆందోళనలు చెలరేగకుండా చర్చలు జరుపుతోంది. వచ్చే ఎన్నికల్లో అధికారంలోకి వస్తే తప్పకుండా న్యాయం చేస్తామంటూ హామీ ఇస్తోంది. ఈ మేరకు అసంతృప్తులను బుజ్జగించేందుకు మాజీ నారాయణ రంగంలోకి దిగారు. తాజాగా నెల్లూరు పట్టణలో కూటమి అభ్యర్థులతో పాటు సీటు రాని బీజేపీ, టీడీపీ, జనసేన నేతలతోనూ సమావేశం నిర్వహించారు. జనసేన పార్టీ కార్యాలయంలో ఆత్మీయ సమావేశం చేపట్టారు. ఈ సమావేశంలో టీడీపీ నేతలు, వేమిరెడ్డి, బీదా రవిచంద్ర, జనసేన పార్టీ నేత మునుక్రాంత్ రెడ్డి పాల్గొన్నారు. ఎవరూ అసంతృప్తి చెందవచ్చని టీడీపీ కూటమి అధికారంలోకి వచ్చిన తర్వాత తగిన గౌరవం ఇస్తామని హామీ ఇచ్చారు. ఈ ఎన్నికల్లో కూటమి కోసం పని చేయాలని సూచించారు. నెల్లూరు జిల్లాలోని 10 సీట్లను గెలుచుకోవాలని దిశానిర్దేశం చేశారు. వైసీపీ అరాచక పాలనను తరిమికొట్టాలని మాజీ మంత్రి నారాయణ పిలుపు నిచ్చారు.