పులివెందులలో లక్షకు పైగా మెజార్టీ ఖాయం: YS భారతి కీలక వ్యాఖ్యలు

దిశ, వెబ్‌డెస్క్: పులివెందులలో వైసీపీకి లక్షకు పైగా మెజార్టీ ఖాయమని సీఎం జగన్ సతీమణి వైఎస్ భారతి కీలక వ్యాఖ్యలు చేశారు. భర్త జగన్ తరుఫున ఆదివారం ఆమె పులివెందుల నియోజకవర్గంలో ఎన్నికల ప్రచారం నిర్వహించారు. ఈ సందర్భంగా భారతి మీడియా మాట్లాడుతూ.. పులివెందులలో ప్రజల స్పందన చాలా బాగుందని తెలిపారు. జగన్ పథకాలకు మంచి ఆదరణ లభించిందన్నారు. పులివెందులలో ఈ సారి లక్షకు పైగా మెజార్టీ వస్తుందని ఆమె ధీమా వ్యక్తం చేశారు. వైఎస్ కుటుంబానికి పులివెందుల బలం.. పులివెందులకు వైఎస్ కుటుంబం బలమని ఆసక్తికర వ్యాఖ్యలు చేశారు. 4 దశాబ్దాలుగా ఇక్కడి ప్రజలు వైఎస్ కుటుంబాన్ని ఆదరిస్తున్నారన్నారు. ప్రచారంలో వైఎస్ భారతి వెంట కడప ఎంపీ అభ్యర్థి వైఎస్ అవినాష్ రెడ్డ భార్య సమత కూడా ఉన్నారు.

Read More...

రంగంలోకి వైఎస్ జగన్ భార్య భారతి.. పులివెందులలో జోరుగా ప్రచారం