Chandrababu Naidu Arrest: అరెస్ట్‌పై.. సినీ నటి పూనమ్ కౌర్ రియాక్షన్
దిశ, డైనమిక్ బ్యూరో : తెలుగుదేశం పార్టీ అధినేత చంద్రబాబు నాయుడు అరెస్ట్, రిమాండ్‌ అంశాలపై టాలీవుడ్ నటి పూనమ్ కౌర్ స్పందించారు. ‘ప్రజల కోసం ఎంతో సేవ చేసి, వారి కోసం అన్నీ త్యాగం చేసిన ఓ గొప్ప వ్యక్తిని 73 ఏళ్ల వయసులో ఇలా బాధపెట్టడం, జైలుకు పంపించడం తగదు’ అని ట్విటర్ వేదిగా పూనమ్ కౌర్ అభిప్రాయపడ్డారు. చంద్రబాబు నాయుడు ఆరోగ్యం దృష్ట్యా అయినా మానవతాదృక్పథంతోనైనా ఆలోచించండి అంటూ ఓ ఉచిత సలహాసైతం ఇచ్చేశారు పూనమ్ కౌర్. దీంతో పూనమ్ కౌర్ ట్వీట్‌పై నెటిజన్లు కొందరు సానుకూలంగా స్పందిస్తుంటే మరికొందరు ఘాటుగా సమాధానం ఇస్తున్నారు. నాడు ఎన్టీఆర్‌పై చెప్పులు విసిరిన ఘటనకు నేడు చంద్రబాబు అరెస్ట్‌కు లింకుపెడుతూ చీవాట్లు పెడుతన్నారు. ఎన్టీఆర్‌కి 73 ఏళ్ల వయసులో చంద్రబాబు చేసింది ఏంటి? ఆయన్ను పబ్లిక్‌గా చెప్పులతో కొట్టించాడు. దాని కర్మఫలితం ఇప్పుడు అనుభవిస్తున్నాడు అంటూ పూనమ్‌కు నెటిజన్లు కౌంటర్ ఇస్తున్నారు. మరికొంతమంది అయితే చట్టం ముందు వయసు చూడరు, తప్పు చేసిన వాళ్లను జైళ్లోనే వేస్తారు అంటూ రిప్లై ఇస్తున్నారు.
