Ganja: మంగళగిరిలో గంజాయి ముఠా అరెస్ట్.. 230 కిలోల గంజాయి స్వాధీనం

దిశ, డైనమిక్ బ్యూరో: మంగళగిరిలో ఎస్ఈబీ అధికారులు భారీ గంజాయిని పట్టుకున్నారు. దాదాపు 230 కిలోల గంజాయిని స్వాధీనం చేసుకున్నారు. మంగళగిరి ఖాజా టోల్ గేట్ వద్ద ఎస్ఈబీ అధికారులు తనిఖీలు నిర్వహించారు. అనుమానాస్పదంగా ఉన్న వాహానాలను ఆపి సోదాలు చేశారు. ఇందులో రెండు వాహానాలను తనిఖీ చేయగా భారీ గంజాయి పట్టుబడింది. నిందితులు రెండు కార్లలో 230 కిలోల గంజాయిని తరలిస్తున్నారు. దీనిని విశాఖ నుంచి తమిళనాడుకు తరలిస్తున్నట్లు గుర్తించారు. ఇందులో గంజాయి తరలిస్తున్న ఐదుగురు వ్యక్తులను అరెస్ట్ చేసిన అధికారులు వీరి నుంచి గంజాయితో పాటు కార్లు సెల్ ఫోన్లు స్వాధీనం చేసుకున్నారు. దీనిపై కేసు నమోదు చేసుకొని మరిన్ని వివరాలను వెల్లడిస్తామని ఓ పోలీస్ అధికారి తెలిపారు.