AP:సీఎం చంద్రబాబు కీలక నిర్ణయం..ఆ రోజే పోలవరం ప్రాజెక్టు సందర్శన

దిశ,వెబ్‌డెస్క్: ఏపీలో ఎన్డీయే కూటమి ప్రభుత్వం ఏర్పడింది. ఈ నేపథ్యంలో నాలుగోసారి ఏపీ ముఖ్యమంత్రిగా టీడీపీ చీఫ్ బాధ్యతలు చేపట్టారు. ఈ క్రమంలో నేడు కూటమి మంత్రులకు శాఖలు కేటాయించారు. ఈ సమయంలో సీఎం చంద్రబాబు కీలక నిర్ణయం తీసుకున్నట్లు సమాచారం. వెలగపూడి సచివాలయంలో అన్ని శాఖలపై సీఎం చంద్రబాబు రివ్యూ నిర్వహించారు. ఇరిగేషన్ ప్రాజెక్టుల అధికారులతో సమీక్షలో వాటి స్థితిగతులపై ఆరా తీశారు. పోలవరం ప్రాజెక్టు ప్రస్తుత స్థితిపై అధికారులను అడిగి వివరాలు తెలుసుకున్నారు. సోమవారం పోలవరం ప్రాజెక్టు సందర్శనకు వెళ్లాలని నిర్ణయించుకున్నారు. గతంలోనూ సీఎంగా ఉన్నప్పుడు సోమవారం పోలవరం అని ఈ ప్రాజెక్టుపై సమీక్షలు చేసేవారు. అలాగే అసెంబ్లీ సమావేశాలు కూడా ఉండనున్నట్లు వార్తలు వస్తున్నాయి