శ్రీవారి దర్శనానికి 6 గంటలు సమయం

దిశ, తిరుమల: తిరుమల వెంకటేశ్వర స్వామి దర్శనం కోసం వచ్చే భక్తుల సంఖ్య తగ్గింది. ప్రస్తుతం స్వామి దర్శనానికి 6 గంటల సమయం పడుతోంది. దీని కోసం వైకుంఠం క్యూకాంప్లెక్స్‌లోని 2 కంపార్ట్మెంట్లలో సర్వ దర్శనం కోసం భక్తులు వేచి ఉన్నారు. ఇదిలా ఉండగా బుధవారం ఒక్క రోజే 66,915 మంది భక్తులు శ్రీవారిని దర్శించుకున్నారు. అదే సమయంలో 20,784 మంది భక్తులు స్వామివారికి తలనీలాలు సమర్పించి మొక్కులు చెల్లించుకున్నారు. దర్శనం చేసుకున్న భక్తులు తమ కానుకలను శ్రీవారి హుండీ ద్వారా సమర్పించడంతో రూ.3.87 కోట్ల రూపాయల ఆదాయం వచ్చింది.