శ్రీవారిని దర్శించుకున్న సినీ నటి,మాజీ ఎంపీ
దిశ,తిరుమల:శ్రీ వెంకటేశ్వర స్వామి వారిని ఈ రోజు ఉదయం వీఐపీ విరామ సమయంలో అలనాటి సినీ నటి, మాజీ ఎంపీ జయప్రద కుటుంబ సభ్యులతో కలిసి స్వామివారిని దర్శించుకున్నారు.దర్శనం అనంతరం ఆమెకు ఆలయ రంగనాయక మండపంలో ఆలయ అధికారులు తీర్థప్రసాదాలు అందజేశారు. అనంతరం ఆమె మీడియాతో మాట్లాడుతూ ప్రతి ఏడాది నా పుట్టినరోజు సందర్భంగా స్వామి వారిని దర్శించుకోవడం ఆనవాయితీ.అలాగే ప్రజలు, రైతులు సుఖ సంతోషాలతో ఉండాలని స్వామివారిని కోరుకున్నా అని చెప్పారు.
ప్రస్తుతం నేను భారతీయ జనతా పార్టీలో ఉన్న కూడా ఆంధ్రప్రదేశ్ బిడ్డగా ఇక్కడ అవకాశం వస్తే కచ్చితంగా పోటీ చేస్తానన్నారు. ఇక్కడ ఎవరైతే రాజధాని తీసుకు రాగలరో, ఎవరైతే యువకులకు ఉద్యోగం మరియు మహిళలకు రక్షణ కల్పిస్తారో వారే అధికారంలోకి రావాలన్నారు.మూడవసారి దేశంలో మోదీ ప్రభుత్వం అధికారంలోకి రావాలని స్వామివారిని ప్రార్థించాను. అలాగే నాకు పవన్ కళ్యాణ్, బాలకృష్ణ అంటే చాలా ఇష్టం మరియు మోడీ, చంద్రబాబు అంటే చాలా గౌరవం అన్నారు. ఇక్కడకి నన్ను పిలిస్తే స్టార్ క్యాంపెయినర్ గా ప్రచారం చేస్తా అలాగే ఎన్నికల సమయంలో వాక్ దానం చేయడం ఒక్క జయప్రద చాలదు అని ఆమె తెలిపారు.
