కేంద్ర కేబినెట్‌లోకి మరో తెలుగు ఎంపీ.. ఇవాళే ప్రమాణం!
దిశ, వెబ్‌డెస్క్: ప్రధాని నరేంద్ర మోడీ ప్రమాణస్వీకారానికి రంగం సిద్ధమైంది. సాయంత్రం 7:15 గంటలకు రాష్ట్రపతి భవన్‌లో ఈ మహా ఘట్టం జరుగనుంది. మోడీతో పాటు మొత్తం 30 మంది కేంద్ర మంత్రులుగా ప్రమాణస్వీకారం చేయనున్నట్లు సమాచారం. ఇప్పటికే తెలుగు రాష్ట్రాల నుంచి నలుగురికి అవకాశం ఇచ్చారు. తెలంగాణ నుంచి కిషన్ రెడ్డి, బండి సంజయ్, ఏపీ నుంచి టీడీపీ ఎంపీలు రామ్మోహన్ నాయుడు, పెమ్మసాని చంద్రశేఖర్ ప్రమాణస్వీకారం చేయనున్నారు. ఇదిలా ఉండగా.. మరో తెలుగు వ్యక్తికి అవకాశం ఇచ్చినట్లు తెలుస్తోంది.
ఏపీ నుంచి కేంద్ర కేబినెట్‌లోకి నరసాపురం ఎంపీ శ్రీనివాస్ వర్మకు అవకాశం ఇచ్చారు. ఈ విషయమై ఇప్పటికే ఆయనకు నేరుగా ఫోన్ వచ్చినట్లు తెలుస్తోంది. ఇవాళే ప్రధాని మోడీతోపాటు ప్రమాణం చేయనున్నారు. ప్రమాణస్వీకారం నేపథ్యంలో ఢిల్లీలో హైఅలర్ట్ ప్రకటించారు. రాష్ట్రపతి భవన్ పరిసర ప్రాంతాల్లో భద్రతను కట్టుదిట్టం చేశారు. పారామిలిటరీ బలగాలు, ఎన్ఎస్‌జీ కమాండోలు, డ్రోన్లు, స్నైపర్లను మోహరించారు. అంతేకాదు.. ఈ ప్రమాణస్వీకారానికి ఇతర దేశాల అధ్యక్షులు కూడా హాజరు కాబోతున్నారు.
