50 రూపాయల కోసం యువకుడ్ని చంపేశారు

దిశ,వెబ్‌డెస్క్: గుంటూరు జిల్లా సత్తెనపల్లిలో 50రూపాయలు యువకుడి ప్రాణం తీశాయి. పాలడెయిరీలో రూ.50 అప్పు విషయంలో వివాదం తలెత్తింది. ఈ వివాదంలో పాలడెయిరీ ఉద్యోగి బాజీ అనే యువకుడిపై నిందితులు దాడి చేశారు. ఈ దాడిలో నిందితులు బాధితుడిపై పిడిగుద్దులు గుద్దడంతో బాజి కుప్పకూలి కిందపడిపోయాడు. దీంతో అప్రమత్తమైన స్థానికులు అత్యవసర చికిత్స కోసం బాధితుణ్ని ఆస్పత్రికి తరలిస్తుండగా మార్గం మధ్యలోనే మృతి చెందినట్లు డాక్టర్లు తెలిపారు. కేసు నమోదు చేసుకున్న పోలీసులు దర్యాప్తు ప్రారంభించారు.