ముఖ్యమైన పోస్ట్‌కు ఎంపికైన యువ న్యాయవాదులు.. ప్రశంసల వర్షం

దిశ ప్రతినిధి, నిజామాబాద్: తెలంగాణ రాష్ట్ర పోలీస్ రిక్రూట్ మెంట్ బోర్డ్ నిర్విహించిన అసిస్టెంట్ పబ్లిక్ ప్రాసిక్యూటర్ పరిక్ష ఫలితాలలో నగరంలోని కోటగల్లికి చెందిన యమగాటి సతీష్ గౌడ్, కంఠేశ్వర్ ప్రాంతానికి చెందిన గాదారి ప్రణయ్ లు ఎంపికయ్యారు. ఈ మేరకు గురువారం ప్రకటన విడుదలైంది. కోటగిల్లిలో జన్మించిన సతీష్ హైదరాబాద్ లోని ఓ న్యాయ కళాశాలలో న్యాయవిద్యను పూర్తి చేసి, సీనియర్ న్యాయచాది ఎర్రం గణపతి వద్ద న్యాయవాదిగా చేరి న్యాయవాద వృత్తిని కొనసాగిస్తున్నాడు. కంఠేశ్వర్ కు చెందిన గాదారి ప్రణయ్ హైదరాబాద్ బీఆర్ అంబేద్కర్ న్యాయ కళాశాలలో న్యాయవిద్యను అభ్యసించాడు. అసిస్టెంట్ పబ్లిక్ ప్రాసిక్యూటర్లుగా ఎంపికైన సతీష్ గౌడ్, గాదారి ప్రణయ్ లను నిజామాబాద్ బార్ అసోసియేషన్ అధ్యక్షులు రాజారెడ్డి, బార్ కౌన్సిల్ సభ్యులు రాజేందర్ రెడ్డి, బార్ అసోసియేషన్ ప్రధాన కార్యదర్శి ఎర్రం విగ్నేష్ లు అభినందించారు.