ఘోరం.. రోడ్డు దాటుతున్న మహిళను ఢీకొన్న కారు

దిశ, స్టేషన్‌ఘన్‌పూర్: రోడ్డు దాటుతున్న మహిళను కారు ఢీ కొనడంతో అక్కడికక్కడే మృతిచెందింది. ఈ ఘటన సోమవారం రాత్రి హనుమకొండ జిల్లా ధర్మసాగర్ మండలం మడికొండ పోలిస్ స్టేషన్ పరిధిలో చోటుచేసుకుంది. వివరాల్లోకి వెళితే.. రాంపూర్ సమీపంలో(రొట్టె బండ) కాలనీ నుండి రోడ్డు దాటుతున్న స్వప్న అనే మహిళను కారు అతివేగంగా ఢీ కొట్టింది. ఈ ప్రమాదంలో ఆమె అక్కడికక్కడే మృతి చెందింది. స్థానికులు గమనించి పోలీసులకు సమాచారం అందజేశారు. దీంతో హుటాహుటిన ఘటనా స్థలానికి వచ్చిన పోలీసులు కారు డ్రైవర్‌ను అదుపులోకి తీసుకొని విచారిస్తున్నారు.