స్నేహితుడి కడసారి చూపునకు…. లాక్‌డౌన్ బ్రేక్

విలక్షణ నటుడు విజయ్ సేతపతి లాక్ డౌన్ బ్రేక్ చేశాడు. పాత మిత్రుడిని కడ సారి చూసుకునేందుకు తరలివెళ్లాడు. తమిళనాడుకు చెందిన సీనియర్ జర్నలిస్ట్ నెల్లాయ్ భారతి గత కొన్ని రోజులుగా అనారోగ్యంతో బాధపడుతూ కన్నుమూశారు. ఈ విషయం తెలుసుకున్న సేతుపతి… పోరూర్ లోని ఆయన ఇంటికి వెళ్లి పార్థివదేహానికి నివాళులు అర్పించారు. బాధిత కుటుంబాన్ని పరామర్శించడంతో పాటు… ఆర్థిక సహాయాన్ని అందించారు. అన్ని వేళలా అండగా ఉంటానని హామీ ఇచ్చారు. తన ఖర్చులతో స్నేహితుడి అంత్యక్రియలు కూడా నిర్వహించిన సేతుపతిని ప్రశంసిస్తున్నారు ఫ్యాన్స్. స్నేహితుడి కోసం కరోనా సమయంలో లాక్ డౌన్ పక్కన పెట్టి కడ చూపు కోసం కదలి రావడాన్ని అభినందిస్తున్నారు. నెల్లాయ్ మృతి పై పలువురు సినీ ప్రముఖులు సంతాపం వ్యక్తం చేశారు. ఆయన ఆత్మకు శాంతి చేకూరాలని కోరుకున్నారు.

కాగా ఇంతకు ముందు కూడా సేతుపతి తనతో పాటు నేను మీ రౌడీనే సినిమాలో నటించిన దోస్త్ లోకేష్ కు ఆర్థిక సహాయం అందించాడు. హాస్పిటల్ లో గుండె నొప్పితో చికిత్స పొందిన అతన్ని పరామర్శించి… ఆస్పత్రి బిల్లు కూడా చెల్లించారు. కాగా ప్రస్తుతం విజయ్ సేతుపతి తెలుగు, తమిళ్, హిందీ చిత్రాలతో బిజీగా ఉంటున్నారు. కేవలం హీరో పాత్రలకే పరిమితం కాకుండా… కంటెంట్ ఉంటే నెగటివ్ రోల్ కూడా చేయడానికి సిద్ధం అవుతున్నారు సేతుపతి.

Tags: Vijay Sethupathi, Kollywood, Tamil Actor