విద్యుత్ షాక్ తగిలి ఇద్దరు మృతి

దిశ ప్రతినిధి, మహబూబ్‌నగర్: పొట్ట కూటి కోసం హైదరాబాద్‌కు వెళ్లిన ఇద్దరు యువకులు విద్యుత్ షాక్‌కు గురై మృత్యు ఒడికి చేరారు. ఈ విషాద ఘటన సోమవారం ఉదయం నగరంలోని ఉప్పుగూడ ప్రాంతంలో చోటుచేసుకుంది. ఇంటి వద్ద ఒకరు నీటి సంపులోకి దిగగా విద్యుత్ షాక్ కొట్టింది. అతన్ని రక్షించేందుకు వెళ్లిన మరో యువకుడికి సైతం షాక్ తగలడంతో ఇద్దరు అక్కడికక్కడే మరణించారు. మృతులు నాగర్‌కర్నూలు జిల్లా తిమ్మాజీపేట మండలం పుల్లగిరి పంచాయతీ పరిధిలోని గుంత తండాకు చెందిన చింటూ, కోటి గా గుర్తించారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.