ఫుడ్ డెలివరీ చేసేందుకు 15 లక్షల బైక్.. అది చూసి ఆశ్చర్యపోతున్న జనాలు..
జాన్ అబ్రహం అభిషేక్‌ బచ్చన్‌ల ‘ధూమ్‌’ సినిమా గుర్తుండే ఉంటుంది.
దిశ, వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డెస్క్ : జాన్ అబ్రహం అభిషేక్‌ బచ్చన్‌ల ‘ధూమ్‌’ సినిమా గుర్తుండే ఉంటుంది. ఆ సినిమాలో జాన్ అబ్రహం బైక్ ను తెగస్టంట్లు వేసి నడిపాడు. దాని పేరు 'హయబుసా'. సుజుకి కంపెనీ తయారు చేసిన స్పోర్ట్స్ బైక్ ఇది జాన్ అబ్రహం రైడ్ చేసిన తర్వాత ఇండియాలో బాగా పాపులర్ అయింది. భారతదేశంలో దీని డిమాండ్ క్రమంగా పెరిగింది. ఈ క్రమంలోనే ఒక వీడియో వైరల్ అవుతోంది. ఈ వీడియోలో ఒక వ్యక్తి ఆహారాన్ని డెలివరీ చేస్తూ అతను హయబుసా బైక్‌ను నడుపుతున్నాడు. అతను రోడ్డు పై బైక్ తో వేసిన స్టంట్లతో ప్రజలంతా ఆశ్చర్యపోయారు.
Instagram వినియోగదారు హర్‌ప్రీత్ సింగ్ @hsbofficial ఒక కంటెంట్ సృష్టికర్త. అలాగే స్టంట్‌మ్యాన్, అతను కార్లు, బైక్‌లతో విన్యాసాలు చేసే వివిధ వీడియోలను పోస్ట్ చేస్తూనే ఉంటాడు. ఇటీవల అతను హయబుసా బైక్ పై జొమాటో ఫుడ్ డెలివరీ చేయడానికి బయలుదేరిన వీడియోను పంచుకున్నాడు.
హయబుసా బైక్ పై జొమాటో డెలివరీ చేస్తున్న వ్యక్తి..
హయబుసా బైక్‌పై హర్‌ప్రీత్ జొమాటో ఫుడ్ డెలివరీ చేయడం చూసి ప్రజలు ఆశ్చర్యపోతున్నారు. భారతదేశంలో హయబుసా బైక్ ధర రూ. 15 లక్షల కంటే ఎక్కువే ఉంటుంది. ఈ వీడియోలో అతను ఎరుపు రంగు బైక్ పై కూర్చున్నాడు. అతని వెనుక జొమాటో బ్యాగ్ ఉంది. జొమాటో టీ-షర్ట్ ధరించి ఉన్నాడు. మధ్యమధ్యలో స్టంట్స్ చేస్తూ కూడా కనిపిస్తాడు. జొమాటోను ప్రమోట్ చేయడం కోసమే హర్‌ప్రీత్ జొమాటో టీ-షర్ట్ ధరించి ఇంత ఖరీదైన బైక్ ను నడుపుతున్నట్లు తెలుస్తోంది. ఈ వీడియో 1 కోటికి పైగా వీక్షణలను పొందింది. అయితే చాలా మంది తమ అభిప్రాయాన్ని కామెంట్ ద్వారా అందించారు.
Video Credits By hsbofficial