సీలింగ్ ఫ్యాన్‌‌పై హాయిగా కూర్చున్న కింగ్ కోబ్రా.. ఎందుకంటే..?

దిశ, డైనమిక్ బ్యూరో: ఇంట్లోకి పాము వస్తే ఎవరైనా ఏం చేస్తారు..? ఆ పామును బయటకు పంపించడానికి అనేక ప్రయత్నాలు చేస్తుంటారు. మరికొందరు పాములు పట్టే వాళ్ళని పిలిచి దాన్ని బంధించి అడవిలో వదిలేస్తారు. కానీ అందుకు భిన్నంగా ఓ వ్యక్తి ఇంట్లోకి పాము వస్తే దాన్ని తరమకుండా వీడియో తీసీ ఇన్‌స్టాగ్రాంలో రీల్ పెట్టాడు. ఇంట్లో ఉన్న సీలింగ్ ఫ్యాన్‌‌కు కింగ్ కోబ్రా వేలాడుతూ కన్పిస్తుంది. తాజాగా ఆ వీడియో సోషల్ మీడియాలో చక్కర్లు కొడుతోంది.

ఈ వీడియోలో పాము తిరుగుతున్న సీలింగ్ ఫ్యాన్‌పై పడుగ విప్పి హాయిగా కూర్చుని ఉంది. ఫ్యాన్ తిరుగుతున్న ఆ కోబ్రా మాత్రం కదలకుండా ఫ్యాన్ రెక్క పై నుంచి కిందకి చూస్తోంది. ఈ వీడియోలో ఆ పాము ఉన్న తీరుపై నెటిజన్లు మాత్రం తెగ ట్రోల్స్ చేస్తున్నారు. ఆ పాము ఫ్యాన్ స్పీడ్ పెంచమని అడుగుతుందని నెటిజన్లు ఫన్నీ కామెంట్స్ చేస్తున్నారు. స్నేక్ ఫ్యాన్‌పై కూర్చుని 360 డిగ్రిస్‌లో సెల్ఫీ తీసుకుంటుందని ట్రోల్ చేస్తున్నారు. అరే వీడియో తీయకుండా.. ఫ్యాన్ ఆపరా బాబు అని నెటిజన్లు చెబుతున్నారు.