ఆకాశంలో కనిపించిన మిస్టీరియస్ లైట్.. వైరల్ వీడియో..

దిశ, ఫీచర్స్ : గ్రహాంతర వాసులు, UFOల గురించి ప్రపంచవ్యాప్తంగా వివిధ వాదనలు వినిపిస్తూ ఉంటాయి. కొంతమంది గ్రహాంతరవాసులు ఉన్నారని, వారు సుదూర విశ్వంలో ఎక్కడో నివసిస్తున్నారని నమ్ముతారు. మరి కొంతమంది ఈ విషయాలను కేవలం పుకార్లుగా భావిస్తారు. అయితే ఎప్పుడైనా ఏదో ఒక రహస్యమైన కాంతి లేదా ఏదైనా రహస్యమైన వస్తువు ఆకాశంలో ఎగురుతూ కనిపిస్తే, వారు గ్రహాంతరవాసులు కదా అని ప్రజలు ఆశ్చర్యపోతారు. ఈ రోజుల్లో అలాంటి వీడియో ఒకటి సోషల్ మీడియాలో వైరల్ అవుతోంది. ఈ వీడియోలోని దృశ్యం ప్రజలను ఆశ్చర్యానికి గురిచేస్తోంది.

వాస్తవానికి పోర్చుగల్, స్పెయిన్‌లో ఆకాశంలో ఒక అద్భుతమైన నీలిరంగు కాంతి కనిపించింది. ఈ కాంతిని చాలా మంది చూశారు. ఈ కాంతిని వీడియో తీసి సోషల్ మీడియాలో షేర్ చేశారు. రాత్రి సమయంలో రోడ్డు పై వాహనాలు వస్తూ పోతూ ఉండడం, ఇంతలో ఆకాశం నుంచి భూమిపైకి ఏదో పడిపోవడం కనిపించింది. ఆ నిగూఢమైన కాంతి భూమి వైపునకు రావడంతో దాని కాంతి ప్రకాశవంతంగా మారింది. ఒక సెకను మొత్తం ఆకాశాన్ని కాంతితో నింపింది. ఇప్పుడు ఈ మిస్టీరియస్ లైట్ ఏంటి అనే దాని పై రకరకాల వాదనలు వినిపిస్తున్నాయి. 'వీడియోలో కనిపిస్తున్న ఈ మర్మమైన వస్తువు బోలీడే' అని కొంతమంది అంటున్నారు.

ఈ షాకింగ్ వీడియో @dom_lucre అనే IDతో సోషల్ మీడియా ప్లాట్‌ఫారమ్ ట్విట్టర్‌లో భాగస్వామ్యం చేశారు. కేవలం 13 సెకన్ల ఈ వీడియోను ఇప్పటివరకు 5 మిలియన్ల మంది అంటే 50 లక్షలకు పైగా వీక్షించగా, 48 వేల మందికి పైగా వీడియోను కూడా లైక్ చేశారు.