మనిషికి రోజూ 90వేల ఆలోచనలు: లక్ష్మీ యార్లగడ్డ

దిశ, తెలంగాణ బ్యూరో: మీరు ఇబ్బందుల్లో ఉన్నప్పుడు తప్ప మానసిక ఆరోగ్యానికి ఎప్పుడూ ప్రాధాన్యత ఇవ్వరు. మనస్సు, శరీరం, ఆత్మ కనెక్షన్ చాలా ముఖ్యం. మానవులు రోజుకు 60నుండి 90వేల ఆలోచనలు చేస్తారు. వాటిలో ఎక్కువ భాగం ప్రతికూలంగా ఉంటాయని ట్రాన్సఫర్మేటివ్​ గైడ్​ లక్ష్మి యార్లగడ్డ అభిప్రాయపడ్డారు. సోమవారం నగరంలోని ఓ హోటల్‌లో ఎఫ్‌ఎల్‌ఓ సభ్యుల సమావేశంలో ఆమె మాట్లాడారు. వర్క్‌షాప్‌లో అప్రయత్నంగా మరింత సానుకూల ఆలోచనలు ఎలా ఉండాలో చెప్పారు. అద్దం అనేది మీ గురించి మీరు చూడగలిగే ఒక సాధారణ మార్గమని, అది అబద్ధం చెప్పదన్నారు. ఇది మీరు ఎక్కడ ఉన్నారో చూపిస్తుందన్నారు. పాల్గొన్న వారందరికీ అద్దాలు ఇవ్వబడ్డాయి. వారి కళ్ళలోకి, అద్దంలో చూసి వారి మనస్సులో ఏమి జరుగుతుందో ప్రతిబింబించాలని కోరారు. మనకు ఆధ్యాత్మిక సంపద చాలా ఉందన్నారు. గురుత్వాకర్షణ నియమాన్ని గుర్తుచేస్తూ, పైకి వెళ్ళేది తిరిగి రావాలన్నారు. ఫిక్కీ హైదరాబాద్ చైర్‌పర్సన్ ఉషారాణి మన్నే మాట్లాడుతూ మనం నూతన సంవత్సర ప్రవేశ ద్వారం వద్ద నిలబడి ఉన్నామని, అనేక విధాలుగా పరీక్షించిన సంవత్సరాన్ని తిరిగి చూస్తే, సురక్షితంగా బయట పడినందుకు కృతజ్ఞతలు చెప్పుకోవాలన్నారు.