ద్విచక్ర వాహనాలపైకి దూసుకెళ్లిన లారీ.. ముగ్గురు దుర్మరణం

దిశ, నేరేడుచర్ల: సూర్యాపేట జిల్లా పాలకవీడు మండలం జాన్ పహాడ్ దర్గా సమీపంలో శుక్రవారం ఘోర రోడ్డు ప్రమాదం చోటుచేసుకుంది. అదుపుతప్పిన ఓ లారీ రెండు బైకులను ఢీ కొట్టింది. ఈ ప్రమాదంలో ముగ్గురు వ్యక్తులు అక్కడికక్కడే మృతిచెందారు. స్థానికుల వివరాల ప్రకారం.. శుక్రవారం కావడంతో జాన్ పహాడ్ దర్గాకు ద్విచక్ర వాహనంపై వచ్చిన కొందరు మొక్కులు చెల్లించుకున్నారు. అనంతరం తిరిగి ఇంటికి వెళ్తుండగా అదుపుతప్పిన ఓ లారీ ద్విచక్ర వాహనాలపైకి దూసుకెళ్లింది. ఈ ప్రమాదంలో నల్లగొండ జిల్లా మిర్యాలగూడెం మండలం వెంకటాద్రిపాలెం గ్రామానికి చెందిన దంపతులు దనావత్ పున్యా(55), దనావత్ మగ్తి (50)లు అక్కడికక్కడే మృతిచెందారు. ఈ ప్రమాదంలో మృతిచెందిన మూడో వ్యక్తి వివరాలు ఇంకా తెలియాల్సి ఉంది.