అజ్ఞాతం వీడనున్న రాసలీలల సీడీ కేసుయువతి

దిశ, వెబ్ డెస్క : కర్ణాటక మాజీ మంత్రి రమేశ్ జార్కిహోళితో యువతి ఏకాంతంగా ఉన్న వీడియో ఒకటి ఈ నెల 2న వెలుగులోకి వచ్చి సంచలనం సృష్టించింది. తర్వాత బాధిత యువతి ఎవరికీ కనిపించకుండా అజ్ఞాతంలోకి వెళ్లిపోయింది. అయితే నేడు ఆ యువతి అజ్ఞాత వీడే అవకాశం ఉన్నట్టు సమాచారం. నిన్న ఉదయం తన న్యాయవాది జగదీశ్, సహోద్యోగి మంజునాథ్ తో సోషల్ మీడియా ద్వారా జరిపిన సంప్రదింపులు ఇందుకు ఊతమిస్తున్నాయి.

ఈ నేపథ్యంలో ఆమె నేడు కోర్టులో లొంగిపోయే అవకాశం ఉన్నట్టు న్యాయవాది జగదీశ్ కూడ చెప్పారు. ఒక వేళ ఆమె కోర్టుకు వస్తే బాధిత యువతిని అదుపులోకి తీసుకోవాలని పోలీసులు భావిస్తున్నట్టు తెలస్తుంది. ఎందుకంటే రాసలీల సీడీ బయటపడినప్పటి నుంచి తాను ఎవరికి కనిపించకుండా అజ్ఞాతంలోకి వెళ్లిపోయింది. పోలీసులు ఎంత వెతికినా ఆమె ఆచూకి గుర్తించ లేకపోయారు. ఆమె అజ్ఞాతం నుంచే ఇప్పటి వరకు ఐదు వీడియోలు విడుదల చేశారు.