ఘోర రోడ్డు ప్రమాదం.. అక్కడికక్కడే మృతి చెందిన వ్యక్తి

దిశ ఇబ్రహీంపట్నం: ఇబ్రహీంపట్నం పోలీస్ స్టేషన్ పరిధిలోని రాందాస్ పల్లిలో ద్విచ్రవాహనంపై వెళ్తున్న దంపతులను ఢీకొట్టిన టిప్పర్ భార్య కళ్ళముందే భర్త దుర్మరణం. క్రషర్ మిషన్ వద్ద గ్రామస్తుల ఆందోళనలు. ఇబ్రహీంపట్నం మండలం రాందాస్ పల్లి గ్రామంలో ఉద్రిక్తత చోటు చేసుకుంది. పోలీసులు తెలిపిన వివరాల ప్రకారం, గ్రామంలో కూలిపని చేసుకుంటూ జీవిస్తున్న వంగూరి లక్ష్మయ్య యాదవ్ (35)అనే వ్యక్తి పొలం పని చేసుకొని సాయంత్రం ఆరు గంటల సమయంలో ఇంటికి తన ద్విచ్రవాహనంపై తిరిగి వస్తుండగా, గ్రామానికి సమీపంలో ఉన్న, క్రషర్ మిషన్ కి సంబంధించిన టిప్పర్ లారీ(TS 07 UF 7931), డ్రైవర్ నిర్లక్ష్యంతో బైక్ నీ ఢీకొట్టడంతో అక్కడికక్కడే ప్రాణాలు వదిలాడు. మృతుడికి భార్య, ముగ్గురు పిల్లలు ఉన్నారు.