ఆయన ఒక చరిత్ర.. ప్రధానిపై మాజీ భార్య సంచలన వ్యాఖ్యలు

ఇస్లామాబాద్: పాకిస్తాన్ ప్రధాని ఇమ్రాన్ ఖాన్ మొదటి భార్య రెహమ్ ఖాన్ సంచలన వ్యాఖ్యలు చేసింది. ఇమ్రాన్ ఖాన్ ఇక చరిత్రేనని ట్వీట్ చేసింది. నయా పాకిస్తాన్ అంటూ ఇమ్రాన్ సృష్టించిన గందరగోళాన్ని తుడిచి పెట్టేందుకు దేశ ప్రజలంతా ఏకం కావాలని పిలుపునిచ్చింది. ఈ మేరకు శుక్రవారం ట్విట్టర్ ద్వారా ఆయన పై విమర్శల వర్షం కురిపించింది. అంతకుముందు ప్రధాని కాకముందే పాక్ చాలా గొప్ప దేశంగా ఉండేదని విమర్శలు చేసింది. ఇమ్రాన్ ఖాన్ కు తెలివితేటలు, సామర్థ్యం లేవని ఆరోపించారు. అంతకుముందు 2018 లో ఇమ్రాన్ ఖాన్ నయా పాకిస్తాన్ ను తీసుకొస్తానంటూ ఎన్నికల హామీ ఇచ్చారు. అయితే ప్రధాని అయ్యాక ఇచ్చిన హామీలు నిలుపుకోవడంలో విఫలమయ్యాడని పరోక్షంగా రెహమ్ ఖాన్ విమర్శలు చేసింది.