Rajamouli: అగ్ర దర్శకుడు రాజమౌళికి ‘జక్కన్న’ పేరు ఎవరు పెట్టారు.. సుమకు సంబంధించిన వారేనట..!

దిశ, వెబ్‌డెస్క్: విజయాన్నే ఇంటిపేరుగా మార్చుకున్న టాలీవుడ్ దర్శకధీరుడు రాజమౌళి(Rajamouli) టాలెంట్ గురించి ప్రత్యేకంగా చెప్పాల్సిన అక్కర్లేదు. ఈ డైరెక్టర్ ఇప్పటివరకు తెరకెక్కించిన సినిమాలన్నీ దాదాపు అన్ని బ్లాక్ బస్టర్ హిట్లనే చెప్పుకోవచ్చు. మగధీర(Magadhira), ఆర్ఆర్ఆర్(RRR), బాహుబలి(Bahubali) లాంటి చిత్రాల్ని ప్రేక్షకుల ముందుకు తీసుకొచ్చి ప్రపంచవ్యాప్తంగా తెలుగు ఖ్యాతిని చాటిచెప్పాడు. ఈ చిత్రాలతో జక్కన్నకు సినీ ఇండస్ట్రీలో తిరుగేలేదు. ప్రస్తుతం మరో భారీ ప్రాజెక్టుతో ప్రేక్షకుల ముందుకు వచ్చేందుకు సిద్ధమవుతున్నారు. ఇప్పుడు మన జక్కన్న సూపర్‌స్టార్ మహేష్ బాబు(Superstar Mahesh Babu)తో జతకట్టబోతున్నాడు.

వీరిద్దరి కలయికలో వచ్చే చిత్ర షూటింగ్ కూడా ప్రారంభమైంది. ఇందుకోసం సూపర్‌స్టార్ భారీ గడ్డం పెంచి.. ఫ్యాన్స్‌కు ఒక్కసారిగా షాక్ ఇచ్చాడు. ఇదిలా ఉంటే.. అయితే చాలా మంది సినీ ప్రియులు అగ్ర దర్శకుడు రాజమౌళిని జక్కన్న అని అంటారు. మరీ ఈయనకు ఆ పేరు ఎలా వచ్చిందో తెలుసా? ఓ రోజు షూటింగ్ సమయంలో ఓ సన్నివేశాన్ని షూట్ చేస్తుంటే 6 గంటలు తీయాల్సింది పది గంటలు అవుతుండటంతో యాంకర్ సుమ(Anchor suma) భర్త రాజీవ్ కనకాల(Rajeev Kanakala) ‘వామ్మో పని రాక్షసుడు.. చెక్కుతున్నాడు సన్నివేశాల్ని జక్కన్నలా’ అని ఫన్నీగా అన్నాడట. ఇక రాజమౌళిని అప్పటి నుంచి జక్కన్న(Jakkanna) అని పిలుస్తుంటారు.