Satyadev: సెన్సార్ పూర్తి చేసుకున్న సత్యదేవ్ మూవీ.. ఏ సర్టిఫికెట్ వచ్చిదంటే?

దిశ, సినిమా: డిఫరెంట్ పాత్రల్లో నటిస్తూ ప్రేక్షకుల్లో మంచి క్రేజ్ తెచ్చుకున్న నటుడు సత్యదేవ్ (Satyadev).. ప్రజెంట్ ‘జీబ్రా’ (zebra) సినిమాతో ప్రేక్షకుల ముందుకు రానున్నాడు. యాక్షన్ క్రైమ్ ఎంటర్‌టైనర్ (Action Crime Entertainer)గా తెరకెక్కుతున్న ఈ సినిమాకు ఈశ్వర్ కార్తీక్ (Ishwar Karthik) దర్శకత్వం వహిస్తున్నాడు. ఓల్డ్ టౌన్ పిక్చర్స్ (Old Town Pictures), పద్మ ఫిలిమ్స్ బ్యానర్ (Padma Films Banner)పై ఎస్ఎస్ రెడ్డి, బాలసుందరం, దినేష్ సుందరం సంయుక్తంగా నిర్మిస్తున్న ఈ చిత్రంలో ప్రియా భవానీ శంకర్ హీరోయిన్‌గా నటిస్తుండగా.. ‘పుష్ప’ ఫేమ్ ధనంజయ ప్రధాన పాత్రలో కనిపించనున్నాడు. ఇక ‘జీబ్రా’ మూవీ నవంబర్ 22న ప్రపంచ వ్యాప్తంగా రిలీజ్‌కు సిద్ధంగా ఉంది. దీంతో ప్రమోషన్స్‌ల జోరు పెంచారు చిత్ర బృందం. ఈ క్రమంలోనే వరుస ఇంటర్వ్యూలో పాల్గొంటూ సందడి చేస్తున్నారు. ఇక తాజాగా ఈ మూవీ సెన్సార్ కూడా పూర్తి చేసుకుంది. ‘జీబ్రా’ సినిమాకు సెన్సార్ యూఏ (U/A) సర్టిఫికెట్ ఇచ్చింది. ఈ విషయాన్ని అఫీషియల్‌గా అనౌన్స్ చేస్తూ చిత్ర బృందం ఓ పోస్టర్ రిలీజ్ చేశారు.