TSRTC మరో ఆఫర్.. తొమ్మిది రోజులు వాటిపై 25 శాతం డిస్కౌంట్

దిశ, డైనమిక్ బ్యూరో : తెలంగాణ ప్రజా రవాణా సంస్థ టీఎస్ ఆర్టీసీ ఉగాది సందర్భంగా ప్రయాణికులకు మరో గుడ్ న్యూస్ చెప్పింది. ఇప్పటికే 65 ఏళ్లు నిండిన సీనియర్ సిటిజన్లకు ఉగాది రోజు అనగా ఏప్రిల్2న రాష్ట్రవ్యాప్తంగా అన్ని ఆర్టీసీ బస్సుల్లో ఉచిత ప్రయాణం అందించేందుకు సిద్ధమైంది. ఈ క్రమంలో పండగ సందర్భంగా బంధువులకు పార్సిల్స్ పంపించాలనుకుంటున్న వారికి డిస్కౌంట్ ఇచ్చేందుకు ముందుకు వచ్చింది. ఉగాది కానుకగా ఏప్రిల్ 2వ తేదీ నుంచి 10వ తేదీ వరకు 9 రోజుల పాటు 5 కేజీల లోపు ఉండే పార్సిళ్లపై 25 శాతం డిస్కౌంట్ ఇవ్వనున్నట్లు ఎండీ సజ్జనార్ ట్విట్టర్ వేదికగా ప్రకటించారు. ఈ అవకాశాన్ని ప్రతిఒక్కరూ సద్వినియోగం చేసుకోవాలని ఆయన కోరారు.