కేజీఎఫ్ 2 నుండి బిగ్ అప్డేట్.. రాఖీబాయ్ 'తుఫాన్' షూరు..

దిశ, వెబ్‌డెస్క్: కన్నడ స్టా్ర్ హీరో యశ్ ప్రధాన పాత్రలో తెరకెక్కిన చిత్రం కేజీఎఫ్. ప్రముఖ డైరెక్టర్ ప్రశాంత్ నీల్ దర్శకత్వం వహించిన ఈ సినిమా.. ఎలాంటి అంచనాలు లేకుండా వచ్చి దేశ వ్యాప్తంగా సంచలనం సృష్టించిన విషయం తెలిసిందే. సినిమాలో కంటెంట్ ఉంటే భాష, యాస, ప్రాంతంతో సంబంధం లేకుండా సినీ ప్రియులు.. సినిమాను ఆదరిస్తారని కేజీఎఫ్ నిరూపించింది. కాగా, 2018లో విడుదలైన కేజీఎఫ్ ఫస్ట్ పార్ట్ బాక్సాఫీస్ వద్ద కలెక్షన్‌ల సునామీ సృష్టించింది. అప్పటి వరకు కన్నడ వరకే పరిమితమైన యశ్.. ఈ ఒక్క సినిమాతో పాన్ ఇండియా స్టార్‌గా మారిపోయాడు. ఫస్ట్ పార్ట్‌కు వచ్చిన క్రేజ్‌ను చూసి దర్శకుడు.. రెండో పార్ట్‌ను పాన్ ఇండియా లెవల్‌లో తెరకెక్కించాడు. అయితే.. 'కేజీఎఫ్ చాప్టర్ 2' విడుదల తేదీ దగ్గర పడుతుండటంతో చిత్ర యూనిట్ ప్రమోషన్స్ షూరు చేసింది. తాజాగా, కేజీఎఫ్ చాప్టర్ 2 నుండి 'తూఫాన్ తేఫాన్..' అంటూ సాగే లిరికల్ వీడియో సాంగ్‌ను విడుదల చేసి అభిమానులకు బిగ్ ట్రీట్ ఇచ్చింది. ఈ పాటను ప్రముఖ సినీ గేయ రచయిత రామజోగయ్య శాస్త్రీ రాయగా.. రవి బాసుర్రూర్ సంగీతం అందించాడు. అయితే ఓ వ్యక్తి రాఖీబాయ్ గురించి చెబుతున్న మాటలతో స్టార్ట్ అయిన ఈ సాంగ్.. రికార్డ్‌లు సృష్టిస్తూ అభిమానులను విపరీతంగా ఆకట్టుకుంటుంది. ఇక కోట్లాది మంది అభిమానులు వేచి చూస్తున్న కేజీఎఫ్ చాప్టర్ 2 దేశ వ్యాప్తంగా ఏప్రిల్ 14న విడుదల కానుంది.