Kiara Advani: భయంతో మాడిపోయిన కియారా ముఖం.. ఎందుకంటే?
దిశ, సినిమా : కార్తీక్ ఆర్యన్, కియారా అద్వానీ జంటగా నటించిన హారర్, కామెడీ 'భూల్ భులయ్యా 2..latest telugu news
Kiara Advani
దిశ, సినిమా : కార్తీక్ ఆర్యన్, కియారా అద్వానీ జంటగా నటించిన హారర్, కామెడీ 'భూల్ భులయ్యా 2' ట్రైలర్ ఈ రోజు విడుదల కానుంది. ఈ చిత్రం కోసం అభిమానులు ఎంతగానో వేచిచూస్తున్నారు. కాగా అంతకు ముందుగానే ఈ సినిమా కొత్త పోస్టర్‌ను కియారా సోషల్ మీడియాలో షేర్ చేసి.. అభిమానుల్లో కొత్త జోష్ నింపింది. టబు కూడా కీలకపాత్రలో కనిపించబోతుండగా. ప్రధానపాత్రలన్నీ కవర్ చేసిన న్యూ పోస్టర్ ఇంట్రెస్టింగ్‌గా ఉంది.
ఇందులో కార్తీక్ తన పాత్రకు తగినట్లుగా నలుపు రంగు కుర్తా పైజామా ధరించి ఉండగా.. కియారా వైట్ స్కర్ట్‌, స్టైలిష్ ఆరెంజ్ టాప్‌లో అద్భుతంగా కనిపించింది. అయితే ఆ పోస్టర్‌లో కియారా ముఖంలో భయం కనిపిస్తుండగా.. కార్తీక్ తన పవర్స్‌ ఉపయోగించి అందరితో ఆడుకుంటున్నాడు. 'హాంటెడ్ హవేలీ.. దాని తలుపులు తిరిగి తెరిచే సమయం ఆసన్నమైంది! మే 20 న విడుదలయ్యే ఫ్యామిలీ ఎంటర్‌టైనర్‌ను చూసి ఎంజాయ్ చేయండి' అని కోరింది. కాగా 'భూల్ భులయ్యా 2' అసలైన కామెడీతో కూడిన సైకలాజికల్ థ్రిల్లర్ అని తెలిపిన దర్శకుడు అనీస్ బాజ్మీ.. ప్రేక్షకులకు ప్రత్యేకమైన అనుభవాన్ని అందిస్తుందని తెలిపారు. 2007లో విడుదలైన అక్షయ్ కుమార్ 'భూల్ భులయ్యా' సీక్వెల్ కావడం విశేషం.