Kalki Part 2: రెబల్ స్టార్ ఫ్యాన్స్‌కు భారీ శుభవార్త.. కల్కి 2 పై అప్డేట్ ఇచ్చిన ప్రొడ్యూసర్స్..

దిశ, వెబ్‌డెస్క్: సినీ ఇండస్ట్రీలోనే మునుపెన్నడు లేని విధంగా డిఫరెంట్ కంటెంట్‌తో ప్రేక్షకుల ముందుకొచ్చి కల్కి (Kalki 2898) చిత్రం బ్లాక్ బస్టర్ హిట్‌గా నిలిచింది. ఏకంగా 1100 కోట్ల రూపాయల వసూళ్లు కొల్లగొట్టి రికార్డులు బ్రేక్ చేసింది. నాగ్ అశ్విన్(Nag Ashwin) తెరకెక్కించిన ఈ సూపర్ హిట్ మూవీలో అమితాబ్ బచ్చన్(Amitabh Bachchan), పాన్ ఇండియా స్టార్ ప్రభాస్(Prabhas), కమల్ హాసన్(Kamal Haasan), దీపికా పదుకొణె(Deepika Padukone), విజయ్ దేవరకొండ(Vijay Devarakonda), దిశా పటనీ(Disha Patani) వంటి ప్రముఖ నటీనటులు అద్భుతంగా నటించారు. ప్రస్తుతం వరల్డ్ వైడ్‌గా రికార్డులు కొల్లగొట్టిన ఈ చిత్రానికి సీక్వెల్‌గా కల్కి -2 వస్తున్న విషయం తెలిసిందే. ప్రజెంట్ సెకండ్ పార్ట్‌కు సంబంధించి ప్రీ ప్రొడక్షన్ పనులు జరుగుతున్నాయని సమాచారం.

ఇకపోతే తాజాగా ఈ చిత్ర ప్రొడ్యూసర్లు ప్రియాంక దత్(Priyanka Dutt), స్వప్న దత్(Swapna Dutt) గోవాలో జరుగుతున్న ఇంటర్నేషనల్ ఇండియన్ ఫిలిం ఫెస్టివల్(International Indian Film Festival) కు హాజరై.. అనంతరం మీడియా వారితో ముచ్చటించారు. ‘‘కల్కి- 2 ప్రీ ప్రొడక్షన్ జరుగుతుందని వెల్లడించారు. ఇప్పటికే 35 శాతం చిత్రీకరణ కంప్లీట్ అయ్యిందని తెలిపారు. అలాగే దీపికా పదుకొణెతో పాటు అన్ని పాత్రలు పార్ట్ 2లో ఉంటాయి. కల్కి పార్ట్ 1 ని విదేశాల్లో రిలీజ్ చేయాలని చూస్తున్నామని వెల్లడించారు. ప్రస్తుతం కల్కి నిర్మాతల కామెంట్స్ విన్న ప్రభాస్ ఫ్యాన్స్ ఎగిరిగంతులేస్తున్నారు.