Telangana News: విషాదం నింపిన ట్రాక్టర్.. మూడేళ్ల బాలుడు దుర్మరణం

దిశ, ప్రతినిధి నిజామాబాద్ : కామారెడ్డి జిల్లా కోమటిపల్లి గ్రామంలో దారుణం జరిగింది. శనివారం ఉదయం లింగంపేట మండలం కోమటిపల్లి గ్రామంలో ట్రాక్టర్ కింద పడి రంజిత్ (3) అనే బాలుడు మృతి చెందాడు. బాలుడి పెద్దనాన్న ట్రాక్టర్ రివర్స్ తీస్తుండగా ట్రాక్టర్ టైర్ కింద పడి చిన్నారి మృతి చెందింది. ఈ ఘటనతో కుటుంబంలో తీవ్ర విషాదం నెలకొంది. స్థానికుల సమాచారం మేరకు ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేపట్టారు.