Thaman S: బాలకృష్ణ కొత్త సినిమాల అప్డేట్స్ ఇచ్చిన తమన్

దిశ, వెబ్ డెస్క్ : సీనియర్ హీరో నందమూరి బాలకృష్ణ ( Nandamuri Balakrishna ) గురించి ప్రత్యేకంగా చెప్పాల్సిన అవసరం లేదు. ప్రస్తుతం, డైరెక్టర్ బాబీ డైరెక్షన్ లో వస్తున్న సినిమా 'NBK 109' సంక్రాంతి కానుకగా మన ముందుకొస్తున్న ఈ మూవీ పై భారీ అంచనాలు ఉన్నాయి. అయితే, ఇప్పుడు ఈ మూవీకి సంబంధించిన ఓ అప్డేట్ బయటకొచ్చింది. సంగీత దర్శకుడు తమన్  ( Thaman ) ట్విట్టర్ లో వెల్లడించాడు.

'NBK 109' టైటిల్​తో వస్తున్న ఈ సినిమా టీజర్ కట్ పూర్తయిందని తమన్ తెలిపారు. త్వరలోనే ఈ మూవీ టీజర్ రిలీజ్ డేటును అనౌన్స్ చేస్తామని సోషల్ మీడియా ద్వారా ఓ పోస్ట్ ను షేర్ చేసాడు. అలాగే, 'అఖండ-2' , పార్ట్ 1 కి మించి ఉంటుందంటూ పోస్టులో రాసుకొచ్చాడు. దీనిపై రియాక్ట్ అవుతున్న అభిమానులు సంతోషం వ్యక్తం చేస్తున్నారు. ఇలా ఒకే సారి తమన్ హీరో బాలయ్య సినిమాలకు సంబంధించిన రెండు అప్డేట్లు ఇవ్వడంతో నువ్వు సూపర్ అంటూ కామెంట్లు పెడుతున్నారు.