ఎవరూ మరిచిపోలేనంత ఆట ఆడేస్తా.. 'శభాష్ మిథు' ట్రైలర్

దిశ, సినిమా : టాలీవుడ్ సొట్ట బుగ్గల చిన్నది తాప్సీ పన్ను ప్రస్తుతం బాలీవుడ్‌లో సత్తా చాటుతోంది. హిందీలో వరుస సినిమాలతో దూసుకుపోతున్న ఆమె తాజాగా నటించిన చిత్రం 'శభాష్‌ మిథు'. మాజీ క్రికెటర్‌ మిథాలీ రాజ్‌ జీవిత కథ ఆధారంగా శ్రీజిత్‌ తెరకెక్కించిన ఈ చిత్రం నుంచి ఇటీవలే విడుదలైన టీజర్, పోస్టర్లకు మంచి రెస్పాన్స్‌ లభించింది. ఈ క్రమంలోనే తాజాగా విడుదలైన రెండు నిమిషాల 44 సెకన్ల నిడివి గల ట్రైలర్ సినిమాపై ఆసక్తిని పెంచింది.

మిథాలీ చిన్నతనంలో కన్న కలను చెబుతూ ప్రారంభమైన ట్రైలర్‌ ఎమోషనల్లీ ఆకట్టుకోగా.. మిథాలీ ఆట మొదలు పెట్టడం, ప్రాక్టీస్‌, కెప్టెన్‌గా ఎన్నిక, క్రికెట్‌లో మహిళలకు ఇచ్చే ప్రాధాన్యత, కష్టాలు తదితర అంశాలను ఇందులో చక్కగా చూపించారు. ఇక తాప్సీ నటన సినిమాకు మరింత ప్లస్ పాయింట్‌ అనిపిస్తుండగా.. 'మన గుర్తింపును ఎవరూ మరిచిపోలేనంతలా ఆట ఆడి చూపిస్తా' అని చెప్పే డైలాగ్‌ అభిమానులకు ఎమోషనల్ ఫీలిగ్ తెప్పిస్తోంది. వయాకామ్‌ 18 స్టూడియోస్‌ నిర్మించిన ఈ చిత్రం జులై 15న రిలీజ్ కానుంది.