పుణె ఎయిర్‌పోర్టులో పేలిన 'సుఖోయ్ ఫైటర్' టైరు

ముంబై: పుణె అంతర్జాతీయ విమానశ్రయంలో సుఖోయ్ ఫైటర్ జెట్‌కు పెను ప్రమాదం తప్పింది. ల్యాండింగ్ సమయంలో టైర్ పేలడంతో రన్ వే‌ను బ్లాక్ చేశారు. దీంతో రెండు గంటల పాటు ప్రయాణికులు ఇబ్బందులు పడ్డారు. ఆ సమయంలో విమానాలను ముంబై, ఇతర ప్రాంతాలకు మళ్లించినట్లు స్థానిక మీడియా పేర్కొంది. దీంతో షెడ్యూల్ ప్రయాణాలు కూడా ఆలస్యమైనట్లు తెలిపింది. భారత వైమానిక దళ సిబ్బంది రన్‌వేని క్లియర్ చేసి, అవసరమైన తనిఖీల తర్వాత ఫ్లయింగ్ ఆపరేషన్‌ల కోసం తెరిచారు. ఈ మేరకు స్పైస్ జెట్ ట్వీట్ చేసింది. 'పూణే రన్ వే మధ్యాహ్నం 3.30 గంటల వరకు మూసివేయడంతో, అన్ని ప్రయాణాలపై ప్రభావం పడింది' అని ట్వీట్ చేసింది. కాగా, పూణె విమానాశ్రయం రన్ వే కార్యకలాపాలను భారత వాయు దళం నిర్వహిస్తుంది.