హైవేపై వెళ్తున్న ఆటోపై రంగులు చల్లిన యువకులు.. అదుపు తప్పి బోల్తా

దిశ, వెబ్ డెస్క్: హైవేపై రంగులు చల్లడంతో ఆటో అదుపు తప్పి బోల్తా పడిన ఘటన యూపీలో చోటు చేసుకుంది. ఇందుకు సంబంధించిన వీడియో సోషల్ మీడియాలో వైరల్ అవుతోంది. పోలీసులు తెలిపిన వివరాల ప్రకారం.. ఉత్తర్ ప్రదేశ్ లోని కోత్వాలీ ఏరియాలో ఖాతా విలేజ్ లో హైవేపై ఆటో వెళ్తుంది. ఈ క్రమంలో రోడ్డుపై నిలుచున్న కొంతమంది యువకులు ఒకరిపై ఒకరు రంగులు చల్లుకుంటూ హోళీ వేడుకలు జరుపుకుంటున్నారు. ఆ సమయంలో అటుగా వెళ్తున్న ఓ ఆటోపై రంగులు చల్లారు. దీంతో ఆ ఆటో అదుపు తప్పి బోల్తా పడింది. ఈ ఘటనలో ఇద్దరికి తీవ్ర గాయాలైనట్లు సమాచారం. ఇందుకు సంబంధించి పోలీసులు కేసు నమోదు చేశారు. ఇందుకు సంబంధించిన వీడియో సోషల్ మీడియాలో వైరల్ అవుతోంది.