పబ్లిక్‌గా హీరోయిన్‌ను ముద్దాడిన అభిమాని.. మళ్లీ మళ్లీ హగ్ చేసుకుంటూ

దిశ, సినిమా: బీ టౌన్ యంగ్ బ్యూటీ షెహనాజ్ గిల్‌ ఎప్పటికప్పుడు నెటిజన్ల హృదయాలను గెలుచుకుంటూనే ఉంది. పంజాబీ సింగర్‌గా గుర్తించబడిన నటి.. 'బిగ్ బాస్ 13'తో ఫుల్ పాపులారిటీ సొంతం చేసుకుంది. అయితే ఇటీవల ఓ ఈవెంట్‌కి హాజరైన షెహనాజ్ అభిమానిపై అమితమైన ప్రేమ చూపించి ప్రేక్షకులను ఫిదా చేసింది. విషయానికొస్తే.. ఓ కార్యక్రమం ముగిసిన తర్వాత బయటకు వెళ్తున్న నటి కోసం ఓ అమ్మాయి పరుగెత్తుకుంటూ వచ్చి బలంగా కౌగిలించుకుని భావోద్వేగానికి లోనైంది.

అంతేకాదు మళ్లీ మళ్లీ తనను హగ్ చేసుకుంటూ షెహనాజ్ చెంపపై ముద్దు పెట్టుకుంది. అయితే అభిమాని చేసిన హంగామాకు ఏ మాత్రం చిరాకు పడకుండా ప్రేమగా ఓదార్చిన బ్యూటీ.. మరికొంతమంది అబ్బాయిలు సెల్ఫీల కోసం ఎగబడినా అందరినీ కంట్రోల్ చేస్తూ ఫ్లయింగ్ కిస్‌లు ఇచ్చి మురిపించింది. ప్రస్తుతం ఈ వీడియో వైరల్ అవుతుండగా..'గొప్ప మనసున్న మహారాణి' అంటూ పొగిడేస్తున్నారు నెటిజన్లు.