Salman Khan: ప్రాణహాని ఉంది.. తుపాకీ లైసెన్స్ కావలన్న స్టార్ హీరో

ముంబై: Salman Khan Urges permission for Weapon license after death threat| బాలీవుడ్ నటుడు సల్మాన్ ఖాన్ తన ప్రాణాలకు ముప్పు ఉన్న నేపథ్యంలో ఆయుధ లైసెన్స్ ఇవ్వాలని ముంబై పోలీసులను ఆశ్రయించారు. ఈ మేరకు వ్యక్తిగత రక్షణ కోసం అనుమతి ఇవ్వాలని కోరుతూ దరఖాస్తు సమర్పించారు. గత నెలలో ముంబైలోని బాంద్రా బ్యాండ్‌స్టాండ్ ప్రొమెనేడ్ వద్ద సల్మాన్ ఖాన్, అతని తండ్రి సలీం ఖాన్‌ను ఉద్దేశించి బెదిరింపు లేఖ వచ్చిన సంగతి తెలిసిందే. శుక్రవారం ఆయన ముంబై పోలీస్ కమిషనర్ వివేక్ ఫన్సాల్కర్‌ను కలిసి, బాలీవుడ్ నటుడు ఆయుధ లైసెన్స్ కోరుతూ దరఖాస్తును సమర్పించినట్లు అధికార వర్గాలు తెలిపాయి. గత నెలలో గుర్తుతెలియని వ్యక్తులు సల్మాన్ ఖాన్‌ను మూసేవాలాను చంపిన తరహాలో చంపుతామని లేఖ విడుదల చేశారు. దీనిపై విచారణ జరిపిన ముంబై పోలీసులు మూసేవాలను హతమార్చిన లారెన్స్ బిష్ణోయ్ గ్యాంగ్ పబ్లిసిటీ స్టంట్‌గా పేర్కొన్నారు. కెనడాలో ఉంటున్న బిష్ణోయ్ అసిస్టెంట్ విక్రమ్ బరడ్ బెదిరింపులకు పాల్పడినట్లు అధికారులు తెలిపారు.

ఇది కూడా చదవండి: జాతీయ చలనచిత్ర అవార్డులను ప్రకటించిన కేంద్రం.. ఉత్తమ తెలుగు చిత్రం ఇదే..