Ram Charan : రాంచరణ్‌కు కడప దర్గా అధికారుల ఘన స్వాగతం

దిశ, వెబ్ డెస్క్ : టాలీవుడ్‌ స్టార్ యాక్టర్ రాంచరణ్‌(Ram Charan)కు ఏపీలోని కడప దర్గా(Kadapa Dargah) అధికారులు ఘన స్వాగతం పలికారు. అమీన్‌పీర్ దర్గా(Ameenpir Dargah)లో జరుగనున్న 80వ దర్గా నేషనల్‌ ముషైరా ఘజల్‌ ఈవెంట్‌కు రాంచరణ్‌ ముఖ్యఅతిథిగా హాజరు కానున్న విషయం తెలిసిందే. ఈ నేపథ్యంలో సోమవారం కడపకు చేరుకున్న చరణ్‌కు అభిమానులు భారీ గజమాలతో స్వాగతం పలికారు. స్థానిక విజయ దుర్గమ్మ అమ్మవారిని దర్శించుకొని, తన కొత్త సినిమా స్క్రిప్ట్‌కు పూజలు చేయించాడు. అనంతరం అమీన్‌పీర్ దర్గాను సందర్శించగా.. దర్గా అధికారులు రాంచరణ్‌కు ఘనంగా స్వాగతం పలికారు. కాగా రాంచరణ్‌ను చూసేందుకు కడప ఎయిర్‌పోర్టు నుంచి దర్గా మార్గం వరకు భారీ సంఖ్యలో అభిమానులు తరలివచ్చారు.