Prabhas: చిన్న సినిమాకు సపోర్ట్‌గా ప్రభాస్.. నెటిజన్ల రియాక్షన్ ఏంటంటే?

దిశ, సినిమా: అంజన్ రామచంద్ర (Anjan Ramachandra), శ్రావణి రెడ్డి (Shravani Reddy) జంటగా నటిస్తున్న చిత్రం ‘లవ్ రెడ్డి’ (Love Reddy). గీతాన్స్ ప్రొడక్షన్స్, సెహెరి స్టూడియో, ఎమ్జీఆర్ ఫిలిమ్స్ బ్యానర్స్ సంయుక్తంగా నిర్మిస్తున్న ఈ మూవీని నూతన దర్శకుడు స్మరన్ రెడ్డి తెరకెక్కిస్తున్నాడు. కొన్ని వాస్తవ సంఘటనల ఆధారంగా స్వచ్ఛమైన ప్రేమకథగా రూపొందుతున్న ఈ మూవీ నుంచి ఇప్పటికే వచ్చిన అప్‌డేట్స్ ఆకట్టుకోగా.. తాజాగా రిలీజైన ట్రైలర్ (Trailer) కు సోషల్ మీడియాలో విశేష స్పందన లభించింది. పాజిటివ్ అంచనాల మధ్య ‘లవ్ రెడ్డి’ చిత్రం అక్టోబర్ 18న గ్రాండ్ థియేట్రికల్ రిలీజ్‌కు రెడీ అవుతోంది. ఈ క్రమంలోనే ఈ సినిమాకు పాన్ ఇండియా స్టార్ ప్రభాస్ (Prabhas) సపోర్ట్‌గా నిలవడం అందరిని ఆశ్చర్యపరిచింది.

ఈ మేరకు ప్రభాస్ (Prabhas).. తన ఇన్‌స్టా (Insta) వేదికగా.. ‘‘లవ్ రెడ్డి’ (Love Reddy) సినిమాకు సంబంధించి ఎన్నో మంచి విషయాలు నా దృష్టికి వచ్చాయి. ఇటీవల కాలంలో విడుదలైన ప్రేమ కథల్లో ఈ సినిమా మంచి మూవీగా నిలవడం సంతోషంగా ఉంది’ అని తెలుపుతూ.. ‘లవ్ రెడ్డి’ (Love Reddy) ట్రైలర్ (Trailer) ను ఇన్‌స్టా (Insta) స్టోరీస్‌లో షేర్ చేస్తూ ఈ చిత్రానికి అండగా నిలవాలని ప్రభాస్ కోరారు. ఇక ఇప్పటికే యంగ్ హీరో కిరణ్ అబ్బవరం (Kiran Abbavaram) ముందుకొచ్చి తెలుగు రాష్ట్రాల్లో 4 స్పాన్సర్ షోలు వేసి ‘లవ్ రెడ్డి’ (Love Reddy) సినిమాకు మద్ధతునివ్వగా.. ఇప్పుడు ప్రభాస్ (Prabhas) కూడా సపోర్ట్ చెయ్యడంతో చిత్ర బృందం ఆనందాన్ని వ్యక్తం చేసింది. అలాగే.. ప్రభాస్ పోస్ట్ చూసిన నెటిజన్లు కూడా డార్లింగ్‌పై ప్రశంసలు కురిపిస్తున్నారు.