NTR: ఇందతా మీ దయే... ఎన్టీఆర్ స్పెషల్ పోస్ట్ ఎవరికోసం అంటే?

దిశ, సినిమా: ఎన్టీఆర్ (NTR) నటించిన తాజా చిత్రం ‘దేవర’ (Devara) ఘన విజయం సాధించిన విషయం తెలిసిందే. కొరటాల శివ (Koratala Shiva) దర్శకత్వంలో వచ్చిన ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్‌గా నటించింది. ఇక భారీ అంచనాల నడుమ సెప్టెంబర్ 27న ప్రేక్షకుల ముందుకు వచ్చిన ‘దేవర’ (Devara) చిత్రం బాక్సాఫీస్ వద్ద భారీ విజయాన్ని అందుకుంది. ఈ క్రమంలోనే తాజాగా  దీనిపై ఎన్టీఆర్ (NTR) సోషల్ మీడియా వేదికగా స్పందిస్తూ ఓ పోస్ట్ పెట్టారు.

‘‘దేవర పార్ట్ 1’కి అందుతున్న అద్భుతమైన స్పందనకు నా హృదయపూర్వక (heartfelt) కృతజ్ఞతలు (thanks). ఈ సినిమా ఎప్పటికీ నా హృదయంలో ప్రత్యేక స్థానం కలిగి ఉంటుంది. నా సహ నటీనటులకు నా హృదయపూర్వక ధన్యవాదాలు. వారు తమ పాత్రలకు ప్రాణం పోసి, మా కథకు జీవం ఇచ్చారు. నా దర్శకుడు కొరటాల శివ (Koratala Shiva)కు థాంక్యూ. ఈ కథను సృష్టించిన ఆయన దిశానిర్దేశంతోనే ఈ ప్రాజెక్ట్ విజయవంతమైంది. అనిరుధ్ (Anirudh) అద్భుతమైన సంగీతం, రత్నవేలు సర్ సినిమాటోగ్రఫి. సాబు సర్ ప్రొడక్షన్ డిజైన్, యుగంధర్ గారు వీఎఫ్ఎక్స్ శ్రీకర్ ప్రసాద్ గారు ఎడిటింగ్ తో ఈ చిత్రాన్ని అద్భుతంగా మలిచినందుకు ధన్యవాదాలు. అలాగే.. పంపిణీదారులకు, థియేటర్ ప్రదర్శకులకు, సినీ పరిశ్రమ మిత్రులకు, మీడియాకు, నిర్మాతలకు అందరికి స్పెషల్ థాంక్యూ. ముఖ్యంగా ప్రపంచ నలుమూలల ఇంతటి ఆదరణ చూపిస్తున్న ప్రేక్షక దేవుళ్లకు నా ధన్యవాదాలు. నా కుటుంబ సభ్యులైన నా అభిమానులందరికీ గత నెల రోజులుగా దేవర (Devara) చిత్రాన్ని ఒక పండుగలా జరుపుకుంటున్నందుకు శిరస్సు వంచి ధన్యవాదాలు తెలుపుకుంటున్నాను. మీరు చూపించే ప్రేమ అభిమానమే నన్ను ఈ స్థాయికి చేర్చింది. మీరు ఎలప్పుడు గర్వపడే చిత్రాలు చేస్తూనే ఉండడానికి నా శాయశక్తులా ప్రయత్నిస్తాను. దేవర పార్ట్ 1' చిత్రాన్ని మీ భుజాలపై మోసి, ఇంతటి ఘన విజయవంతంగా మార్చినందుకు కృతజ్ఞతలు’ అని నోట్ రిలీజ్ చేశారు.