తొలిసారి మీడియా ముందుకు తేజ్.. గుడ్‌న్యూస్ చెప్పిన మెగా హీరో

దిశ, వెబ్‌డెస్క్: మెగా మేనల్లుడు సాయిధరమ్ తేజ్ గతంలో రోడ్డు ప్రమాదానికిగురైన విషయం తెలిసిందే. ప్రమాదం జరిగినప్పటి నుంచి సోషల్ మీడియాకు దూరంగా ఉన్న తేజ్.. పూర్తిగా కోలుకున్న తర్వాత తాజాగా తొలిసారి మీడియా ముందుకు వచ్చాడు. ప్రమాదం జరిగిన సమయంలో తనను మొదటగా గుర్తించి ఆసుపత్రిలో చేర్చిన.. సయ్యద్ అబ్దుల్‌కు ప్రత్యేక ధన్యవాదాలు తెలిపాడు.

మానవత్వం బతికే ఉందనడానికి సయ్యద్ అబ్దుల్ నిదర్శనమని పేర్కొన్నాడు. ప్రమాద సమయంలో తనకు సహకరించిన ఇండస్ట్రీ పెద్దలకు, ప్రముఖులకు ధన్యవాదాలు తెలిపాడు. మా మెగా ఫ్యామిలీకి ఎల్లప్పుడూ రుణపడి ఉంటానని.. పక్కవీధిలోకి వెళ్లినా హెల్మెట్ తప్పక ధరించాలని అభిమానులకు సూచించాడు. తనకోసం ప్రార్థనలు చేసిన వేలమందికి రుణపడి ఉంటానని అన్నాడు. ఈ సందర్భంగా తేజ్ తన అభిమానులకు గుడ్ న్యూస్ చెప్పాడు. మరో రెండు రోజుల్లో కొత్త సినిమా షూటింగ్‌లో పాల్గొంటానని వెల్లడించాడు.